ضمور المخ (CP)

١- ضمور المخ معناه ان المخ أصغر من حجمه الطبيعي بالنسبه للسن (الشكل الطبيعي للمخ موضح في صوره ١)يعني المخ "خاسس" شويه أو خاسس كتيرممكن يبقي كله خاسس يعني الضمور في عموم المخ (صوره ٢) أو في جزء من المخ (صوره ٣ و ٤)

٢- ضمور المخ مش مرض في حد ذاته .. هو نتيجه مرض تاني او مشكله تانيه .. زي مثلا واحد "خس "اوي و وزنه نزل كتير من غير ما يكون عامل دايت ..اكيد هنقول عنده مرض ادي الي كده مش هنقول عنده مرض "الخسيه"و بالتالي ما ينفعش أقول ايه علاج الضمور.؟ لأنه الضمور أسبابه كتيييير جدا و المفروض نسأل عن السبب أولا و يبقي سؤالي عن علاج سبب الضمور

٣- أشهر أسباب الضمور في عموم المخ .. نقص الأكسجين اثناء الولاده و الأمراض الوراثية و التمثيل الغذائي و هناك قائمه اخري طويله

٤- الضمور الجزئي في جزء من المخ معناه أصابه حصلت في جزء من المخ زي لا قدر الله جلطه أو نزيف ساعه الولاده أو بعدها و ده بيعمل تلف بالمخ و الجزء ده بيخس و يضمر و يسمي ذلك "تلين" Leucomalacia ( زي صوره ٤)٥- الضمور كضمور مالوش علاج يزيد حجم المخ ..فما يفقد من خلايا المخ لا يعوض و لكن ممكن نشتغل علي ما هو موجود من خلايا عصبيه لتحسين وظيفتها neuroplasticityو ده ممكن يتحقق بعلاج دوائي و العلاج الغير دوائيه و منها مثلا العلاج الطبيعي

٦-أعراض الضمور ايه ؟لو ضمور كلي ( زي صوره ٢)ممكن يعمل تأخر عام في المهارات الذهنيه و الحركيه للطفلو لو ضمور ناحيه واحده(صوره٣) أو تلين ناحيه واحده (صوره ٤) ممكن يخلي حركه جانب من الجسم أضعف من جانب آخر. hemiplegic CP

٧- البعض القليل من تقارير الاشعه علي المخ في الأطفال قد تتسرع في الحكم بوجود الضمور .. و الحقيقه ده بيبقي غير حقيقيزي مثلا اتساع الفراغ بين الجمجمة و المخEnlargement of subarachinoid spaceو البعض القليل يتسرع بوجود نقص أكسجين في المخو بيكون لسه الغلاف الدهني لسه هيكتمل فبيدي منظر شبهDelayed myelination of peritrigonal zoneفي بعض الأحوال القليله بيكون فيه صغر بسيط في حجم المخ غير مؤثر subvolumia(هناك رابط في أول كومنت لمقال ممتاز للمتخصصين عن تقييم. اشعه المخ في الأطفال)

٨- اشهر أسئله من الآباء والأمهات

-نسبه الضمور كام؟

=الضمور مفيهوش أرقام

-طب نعمل اشعه لمتابعه نسبه الضمور ؟

=غالبا لا نحتاج للمتابعه بالاشعه المتابعه بتكون بمتابعه الحاله نفسها و مدي تطورها

-الضمور ممكن يخف ؟

=اتفقنا الضمور مش مرض .. يبقي نسأل عن السبب اللي عمله .. و عموما احنا مش بنعالج الضمور احنا بنعالج آثاره ..